Екі мектептің атауы өзгерді
Қостанай қаласы білім бөлімінің мамандары хабарлағандай, екі мектепке жаңа атау беру туралы облыс әкімдігінің қаулысы 21 қарашада шыққан.
«Юбилейный» шағын ауданындағы №27 жалпы білім беретін мектеп ұлы ақын Абайдың есімімен аталатын болды. «Әуежай» шағын ауданында орналасқан №29 мектепке Әлихан Бөкейхановтың аты берілді, – дейді бөлім мамандары.
Мектепке атау беру туралы шешімді білім беру мекемесінің ұжымы қабылдайды. Олар білім басқармасына ұсыным хат жолдаулары керек, одан ары хат ономастика комиссиясына жіберіледі.
Айта кету керек, облыс орталығындағы тағы бір білім ошағы – №28 мектептің ұжымынан мекемеге ұлт ұстазы Ахмет Байтұрсынұлының есімін беру туралы хат келген. Бұл құжат қазір қаралу үстінде.
Дереккөз: top-news.kz
