Полицейлер жүргізушілерді таңқалдырды
Жақында облыстық әкімшілік полиция басқармасының қызметкерлері мен "АгромашХолдинг" АҚ зауыты және Allur Auto Қостанай қаласындағы ресми диллері көлік күніне арнап акция ұйымдастырды. Осы күні әрбір қатысушы түрлі сыйлықтарға ие болды. Бірі көлік жуу кешеніне тегін сертификат алса, енді біріне көлік жөндеуге қажетті құрал-сайман толы дорбалар берілді.
Акция облыс орталығының кіреберісіндегі үлкен көпірдің қасында басталды. ІІД әкімшілік полиция басқармасының аға инспекторы Юрий Панасенконың айтуы бойынша, мұндай шара жайдан-жай таңдалмаған:
– Менің әріптестерімнің көп-шілігі отандық машиналарды мініп жүр. Бұл шараның мақсаты өзімізде құрастырылатын көлік-терді насихаттау.
Мұндай тосынсый жүргізушілерге ұнады. Сондай жүргізушілердің бірі "Ssang Yоng" автокөлігінің жүргізушісі Әнуарбек Әлішев.
– Мен өз елімнің патриотымын. Себебі, отандық өнімді таңдадым. Осыдан екі жыл бұрын осы көлікті сатып алған едім. Бұл таңдауыма ешқашанда өкін-беймін. Жолда жүргенде жол тәртібін қатаң қадағалаймын. Және өзгелерден де осыны талап етемін. Бұл мен үшін тосын сый. Жүргізушілерді тек қана жазаламай ара-тұра ынталандырып отырған дұрыс, – деді же-ңімпаз.
ІІД әкімшілік полиция басқармасының аға инспекторы Юрий Панасенко отандық көлікті тізгіндеген жүргізушілерге естелік сыйлықтар мен жаяу жүргіншілер жолағынан өту ережелері толтырылған буклеттерді тапсырды.
Қостанайлық сақшылар өзі-мізде құрастырылып жатқан отандық көліктердің сапасын жоғары бағалайды. Облыстық ішкі істер департаменті екі жыл қатарынан қызметтік көліктерді "АгромашХолдинг" АҚ алуда. Қазіргі күні тәртіп сақшылары 56 отандық көлік мініп жүр.
