«Honda»-«Audi» қақтығысы

Бүгін Қостанайда «Honda» мен «Audi» автокөліктері соқытығысты. Куәгерлердің "НК" тілшілеріне берген мәліметінше, оқиға таңғы бес кезінде болған. КСК шағын ауданынан шыққан «Honda» Абай даңғылымен келе жатып, Гоголь көшесінің сол жағына жалт бұрылмақ болған. Дәл сол кезде қатты жылдамдықпен осы даңғылда келе жатқан «Audi» тоқтап үлгере алмай, «Honda»-ға соғылған. Жойқын соққыдан жол жиегіне аударылып кеткен «Audi» жүргізушісі мен оның екі жолаушысы ауыр халде ауруханаға жөнелтілді. «Honda» иесі зақымнан аман, оқиға орнында қалып, тәртіп сақшыларына түсінік берді.