Арман ӘБЕНОВ: “Қазақстандықтар мүддесі басты орында”

Қостанай облысындағы шекаралық өткізу бекеттеріндегі жолаушылар легі 2-3 есеге көбейді. Дегенмен, Қостанай облысы негізінен ресейліктер ағынына транзиттік бекет рөлін атқарып жатыр.

"Ең бастысы, жергілікті атқарушы, құқық қорғау және арнайы органдар жағдайды жіті бақылауда ұстап отыр. Мұнымен қоса, қалай болғанда да отандас-қазақстандықтардың мүддесі басты орында", – деді Қостанай облысы әкімінің орынбасары Арман Әбенов.
Сондықтан осы үшін жергілікті құқыққорғау қызметі құқықтық тәртіпті және қоғамдық қауіпсіздікті қадағалау шараларын күшейте түсті. Мигранттар тарабынан құқық бұзу деректері тіркелген жоқ.

Шетелдік азаматтарға барлық  қызмет іс жүзіндегі заңнама және ЕАЭО заңнамасы шеңберінде көрсетіледі.