Қылмыс ашылды

Лисаков қаласының полиция бөлімінің қызметкерлері әйелді өлтірген күдіктіні анықтады. Бұл туралы Қостанай облысы ПД баспасөз қызметі хабарлады.8 сәуірде 56 жастағы әйелдің денесін пәтерінен тауып алған еді. Аталған факті бойынша ҚР ҚК-нің 99-бабы ("Адам өлтіру") бойынша сотқа дейінгі тергеу басталған болатын.

Қылмысты ашу үшін жедел-тергеу тобы құрылды.

Жедел іздестіру іс-шараларын жүргізу барысында полиция қызметкерлері Б.Майлин ауданының тұрғынын ұстады. Ол бұрын ұрлық үшін сотталған. Күдікті қамауға алынды.

Тергеу амалдары жалғасып жатыр.