Тағдырыма ризамын – актер
Адамның қолынан келмейтін іс жоқ, жұмыс істесеңіз, барлық есік ашылады. Танымал актер, жерлесіміз Төлепберген Байсақалов ER-BATYR жобасында берген сұқбатында осындай ой айтты, – деп хабарлайды Tengrinews.kz тілшісі.
Ол Тимур Балымбетовке берген сұхбатында өзіне халықаралық марапат алып берген "От" фильміндегі түсірілімнен алған әсері және жалпы шығармашылығы мен өмірі, болмыс-мінезі туралы әңгімеледі.
"От" фильмі арқылы халықаралық жүлде иелену – өте жағымды жаңалық. Шынымды айтсам, ерекше ештеңе күтпедім. Бірақ бұл жоба маған адамдарды, әсіресе, қыздарды жаңа қырынан тануға мүмкіндік берді. Фильмді қоюшы қыздар ғана болды. Олардың еңбекқорлығы мен мотивация беруі таңдандырды. Менде қандай да бір қиындықтар болған кезде, оларға қарап "қалай еңсемді түсіремін, мен еркекпін ғой" деп ойладым. Кәсіби тұрғыдан алғанда, тәртібі, алаңға келгенде де нақтылығы қатты тәнті етті. Ал бұл – біздің кинематографияда жиі жіберілетін қателік", – деді ол.
Төлепберген "От" фильмінің режиссері Айжан Қасымбекпен алғашқы кездесуден алған әсерін айтты.
"Мен бірден оның жұмысқа деген жауапкершілігін байқадым. Бұл рольді сомдамауыма көндірген де сол. Бұзақы, маскүнем, жеңілтек адам рөлі. Ал ол шын режиссерлер секілді ешкімді тыңдамай, менімен кездесуге келді. Ол маған қысқа мәлімет әкелді, біз отырдық, мен оқып шықтым, содан кейін ол менімен сөйлесіп, қандай адам екенімді зерттеді", – деді ол.
Сондай-ақ, жоба қонағы фильмдегі образының өмірдегі өз жағдайымен ұқсастығын айтты.
"Сценарийді оқығаннан кейін бәрінің шынайы өміріме қалай ұқсайтыны туралы ойладым. Қызым Даянамен қарым-қатынасымыз да осындай қиындау, арада түсініспеушілік бар. Бірақ, ең бастысы, бір-бірімізді тез кешіре аламыз. Әрине, оған алаңдаймын және түсірілім барысында менің басымда осындай болмаса екен деген сәттер болды. Бірақ бұл маған көмектесті. Сондықтан, менің ойымша, осындай нәтиже көріп отырмыз. Қызым фильмді көргеннен кейін мені мақтап: "Міне, ақыры бірдеңе шықты" , – деді. Мысалы, "Трубадур" фильмін көргеннен кейін ол орнынан тұрып, кетіп қалды, содан кейін: "Әкем енді мұндай фильмге түспесін" деген еді. Бірақ "От" фильмінен кейін бұл картина бүкіл отбасымызды жақындастырғанын сезіп, көңілім орнына түсті", – деді ол.
Сондай-ақ, актер отбасыңызға уақыт бөле аласыз ба?" деген сұраққа жауап берді.
"Отбасым мен балаларыма жеткілікті уақыт бөлетіндей мүмкіндігім бар. Өзім сондай адаммын. Ал біреулер жұмысқа айырбастап жүрсің деуі мүмкін. Былай айтайық: отбасың әрқашан өзіммен бірге. Әрине, үйде ұзақ уақыт бола бермейтінім де рас. Маған бәрі жүрегімде сақталуы үшін ұлыммен немесе қызыммен уақыт өткізуге, әйеліммен шүйіркелесуге бес-ақ минут та жетеді, мысалы, екі айдан кейін бәрі бүге-шүгесіне дейін есіме түседі", – деді жоба қонағы.
Төлепберген әйелімен кезіктірген тағдырына дән риза екенін айтады.
"Бұл – парадокс, бірақ менімен бірге сүрген өмір оны өте әдемі етті, бірақ ішінде қорғаныс пайда болды. Себебі өзімді ер адам сияқты ұстамаған кездер болды. Одан үнемі "мені неге жақсы көресің?" деп сұраймын. Бастапқыда менің оған деген махаббатым жауапсыз болды, оны төрт жыл күттім, қатты қиналдым. Енді қазір өзіме сұрақ қоямын: міне, қол жеткіздім, үйлендік, екі балалы болдық, енді не керек? Тағдырыма осы үшін ризамын", – деді ол.
