Ынтымақ пен келісім – руханиятта
Жуырда Достық үйінде облыс-тық ішкі саясат басқармасының ұйымдастыруымен "Қазіргі қоғамдағы руханият" тақырыбында келелі кеңес өтті. Бұл мәжілісті басқарма басшысы Жанділдә Мақанов жүргізіп, А.Байтұрсынов атындағы Қостанай мемлекеттік университетінің профессоры Юрий Бондаренко мен ақын-аудармашы Әбдірахман Досов қонақта болды. Басқосудың рухани келісім күні қарсаңында ұйымдас-тырылып жатқанын тілге тиек еткен Жанділдә Мақанов бүгінгі әлемдегі саяси ахуалды, оған пікір білдіріп жатқан белгілі журналистер мен саяси ұйым жетекшілерінің ой-пайымын баяндап берді. Сондай-ақ, алқалы кеңесті неліктен ұйымдастырып жатқанына бір сәт тоқталып өтіп, бас-қарманың бірқатар игі бастама-ларына шолу жасады. Әсіресе, келер жылы атап өтілетін Жеңістің 70 жылдығы туралы да айтты.
Мәжілісте Украин мемлекетінің Қостанай мен Ақтөбе қалаларындағы құрметті консулы, белгілі баспагер, публицист Анатолий Тарасенко, Юрий Бондаренко, Әбдірахман Досов, Николай Федорович, Қостанай мемлекеттік педагогикалық колледжінің студенті Гүлжанар Нұғанова, жас ақын Анастасия Калашеевалар сөз сөйлеп, өлеңдерін оқыды.
Болашақ ұрпақты рухани құндылыққа тәрбиелеу мәселесі де кеңесте қамтыла түсті. Кітап пен газет оқуға қызықтыру туралы ой да айтылды. Өңіріміздің ақын-жазушыларының кітабын шығару керектігі де қамтылды.
Бұл мәселеге облыстық ас-самблея да атсалысып жатқан көрінеді. Ұлтаралық және рухани келісім болмай еш мемлекеттің ісі алға баспайтыны, ішкі ынтымақтықтың жарасымдылығы өзекті тақырыпқа айналды бұл алқалы кеңесте.
Ұйымдастырушы Жанділдә Мақанов жиналған барлық зиялы қауымды сол мақсатта жұдырықтай жұмыла жұмыс істеу керектігіне шақырды.
Нұрболат
МЕШІТБАЕВ
Суретті түсірген Бағдат АХМЕТБЕКОВ.
