Беларусь бизнес өкілдері Қостанайда
Екі күндік сапармен Қостанай облысына Беларусь Республикасының Қазақстан Республикасындағы Төтенше және Өкілетті Елшісі – Павел Владимирович Утюпин бастаған Беларусь Республикасынан делегация келді. Бұл туралы Қостанай облысы әкімінің баспасөз қызметі.
Құрметті қонақтарды аймақ басшысы Архимед Мұхамбетов қарсы алды. Кездесу барысында "Олжа Агро" агрохолдингінің Беларусь Республикасынан келген "Гомельагрокомплект" компаниясымен 1200 бас ірі қара малға арналған сүт-тауар фермасын бірлесіп салу мәселесі жөніндегі бастамалары талқыланды.
Бұл бастама биыл қараша айының басында Алматы қаласында өткен "FoodExpo Qazaqkhstan" халықаралық көрмесі аясында бекітілді.
"Олжа Агро" бірнеше жыл ішінде 7 сүт-тауар фермасын, сондай-ақ балалар тағамы мен ашыған сүт өнімдері зауытын салуды жоспарлап отыр.
Сондай – ақ, жұмыс сапары барысында "Минск трактор зауыты" ААҚ бас директоры Вовк Виталий Михайловичпен Индустриялық аймақ аумағында іске асырылып жатқан жобаларға қатысты келіссөздер жүргізілді.
Айта кету керек, 2018 жылдан бастап Қостанайда "Беларус" маркалы тракторлар шығарылады, ал келесі жылы осы техника түріне арналған кабиналар өндірісін іске қосу жоспарлануда. Жобаның құны 4,2 млрд теңгеге бағаланып отыр. Жылына 10 мың кабина шығарылмақ. Бұл өндірісті 2022 жылдың бірінші жартысында іске қосу жоспарланып отыр.
Бұл ретте, кәсіпорын жаңа инвестициялық жобаларды іске асыру жолымен Қостанай алаңында ауыл шаруашылығы техникасын оқшаулау деңгейін арттыруды көздейді.
Сонымен қатар, кездесу барысында Минск трактор зауыты үшін ауыл шаруашылығы техникалары құрылысы үшін кадрлар даярлау мәселесі айтылды. Қостанай облысында осы мақсатта базалық оқу орны – Қостанай индустриалды-педагогикалық колледжі таңдалған. Минск трактор зауыты осы колледждің қызметін қолдайды, оның ішінде мекеменің материалдық базасын жабдықтауға көмек көрсетіледі.
Делегация құрамында техникаға арналған шыны мен пластик өндірісіне маманданған "КУВО" және "Белкарпластик" компанияларының бірінші басшылары болды.
