Үздік үштікте
Қостанайда 20-23 сәуір аралығында кикбоксингтен 2005-2006 жылғы жасөспірімдер арасында КСРО спорт шеберлері М.Бегежанов пен А. Бұсұрмановты еске алуға арналған Қазақстан Чемпионаты өтті. Үш күнге ұласқан бәсекеде елдің әр түкпіріне 332 спортшы күш сынасты. Жарыс қорытындысында Қостанай құрама командасы 3-орын алды.
Чемпионатты облыстық Дене шынықтыру және спорт басқармасының қолдауымен Қостанай облысы Кикбоксинг федерациясы және Қостанай қаласындағы "Сұлтан" спорт клубы, сондай-ақ Қостанай ауданы әкімдігі ұйымдастырды. 
"Қостанай қоржынына 3 алтын, 5 күміс және 5 қола медаль бұйырды. Осылайша, біздің құрама команданың алдына Тараз, Нұрсұлтан командалары ғана шықты. Спортшыларымызды дайындаған бапкерлерге алғыс айтамыз", – деді Қостанай облысы Кикбоксинг федерациясының басшысы Дәмер Қалқаев.
Чемпионатты облыстық Дене шынықтыру және спорт басқармасының қолдауымен Қостанай облысы Кикбоксинг федерациясы және Қостанай қаласындағы "Сұлтан" спорт клубы, сондай-ақ Қостанай ауданы әкімдігі ұйымдастырды. "Қостанай қоржынына 3 алтын, 5 күміс және 5 қола медаль бұйырды. Осылайша, біздің құрама команданың алдына Тараз, Нұрсұлтан командалары ғана шықты. Спортшыларымызды дайындаған бапкерлерге алғыс айтамыз", – деді Қостанай облысы Кикбоксинг федерациясының басшысы Дәмер Қалқаев.
Сонымен, қыздар арасында 44 келіде Жанна Үйсінбаева 2-орын, Анастасия Педе 3-орын, 60 келіде Каролина Цитеркоп 2-орын және Анастасия Хрищук 3-орын алды. Ал ер балалар арасында, Лоу Кик бөлімі бойынша, 39 келіде Қожагелді Мәмбетов 3-орын, 45 келіде Нұржас Байниязов 1-орын, 67 келіде Ілияс Жандау 1-орын, 75 келіде Григорий Крист 1-орын иеленді. Ал фулл-контакт тәсілі бойынша күш сынасқан жасөспірімдер арасында 45 келіден Айбек Саламгереев 3-орын, 51 келіде Нұралы Серіков 2-орын, 60 келіде Джохар Цечоев 2-орын және 81 келі салмақ дәрежесінде Саян Кәрібай 2-орын жеңіп алды. 
