Шығармашыл балалармен кездесті
Бүгін психологиялық қолдау және қосымша білім беру аймақтық өңірлік орталығы қосымша білім беру ұйымдарына арналған баспасөз туры аясында Қостанай ауданының білім бөлімімен бірлесіп, балалар шығармашылығы үйіне экскурсия өткізді. Іс-шараға журналистер қатысып, жас техниктердың жұмыстарын көріп, жеткен жетістіктерімен танысты.
Психологиялық қолдау және қосымша білім беру өңірлік орталығының директоры Елена Петренко құттықтап, Қостанай ауданының БШҮ-де үйірмелер барлық бағытта жұмыс істейтінін және балалардың шығармашылық қабілеттері жоғары деңгейде екенін атап өтті. Өйткені осы ұйымның тәрбиеленушілері – облыстық, республикалық байқаулардың тұрақты жеңімпаздары. 2015 жылдан бастап Н.Наушабаев атындағы Затобол мектеп-гимназиясында балалар шығармашылық үйі жұмыс істейді. Үйірмелер 24 орта мектепте, 7 негізгі мектепте сегіз бағыт бойынша жұмыс істейді: көркемдік-эстетикалық, сәндік-қолданбалы, әлеуметтік-педагогикалық, туристік-өлкетану, спорттық-зияткерлік, әскери-патриоттық тәрбие, ғылыми-техникалық, экологиялық.
Қосымша білім беру бағыттарының әртүрлілігі әр оқушының жеке білім траекториясын құруға мүмкіндік береді және алған білімдерін әр түрлі мамандықтарда әр түрлі енгізуді қамтиды. Қазіргі уақытта БШҮ-де 52 педагогтан тұратын мықты маман жұмыс істейді. 94 үйірме бар. Онда 2265 тәрбиеленушінің 554-і мемлекеттік тілде оқиды.
Айта кету керек, 2020-2021 оқу жылында Қостанай ауданының балалар шығармашылық үйінің қоржынында аудандық деңгейдегі 32, облыстық деңгейдегі 81, республикалық деңгейдегі 134, халықаралық деңгейдегі 42 жүлделі орындар бар.
