Амансың ба, достым!
Рудный қалалық «Горняк» мәдени кешенінде «Амансың ба, достым!» атты Қазақстан халқы тілдерінің фестивалі өтті.
Рухани келісім күні қарсаңында ұйымдастырылған фестивальде Рудныймен қатар Қостанай мен Челябіден келген шығармашылық ұжымдар халық әндерін орындап, мың бұрала биледі. Ал облыстық «Жаным» сән театры мен Челябі мемлекеттік университетінің «Делис» хореографиялық студиясы өз өнерлерін ортаға салып, мерекелік кешті әрлендіре түсті.
ҚР тәжірибелі психологтардың қауымдастығының төрағасы Алексей Куликовтың айтуынша, шараның басты мақсаты елімізді мекендеген түрлі ұлттар арасындағы достық пен татулықты нығайту, мемлекеттік тіліміздің дамуына жағдай жасау.
Фестивальдің екінші бөлімі еңбек әулеттерінің салтанатты шеруіне ұласты.
Қуаныш Есқабыл
