Жетігенші өрендер Түркиядан жүлдемен оралды
Түркия мемелекетінің Стамбұл қаласында өткен “Түркі әлемінің жарқыраған жұлдызы-2023” байқауына жетіген аспабымен Гүлбахар Назар қатысып, жүлделі 2-ші орынды жеңіп алды. Жас өнерпаз бұдан бұрын Ақтау қаласында өткен республикалық «Дарындар әлемі» байқау-фестивалінен де бірінші орын алған еді. Гүлбахардың жетекшісі өзінің анасы – Мөлдір Құлымбетова.
– Ақтау қаласында өткен байқауда Стамбул қаласына жолдама алып, бізге 70 пайыздық жеңілдік берілді. Уақыт тығыз болса да дайындалдық. Шет елге шығып, ол жақтың да деңгейін көргіміз келген еді. Сол ойлағандай бардық. Бірақ бәрі біз күткендей болмады. Кемшін тұстары да аз емес. Жас ерекшеліктер де сақталмады. Ал ережеде басқаша еді. Халықаралық деген атағы болса да өзге мемлекеттерден үміткерлер келе алмады. Десе де өте қуаныштымыз. Қазақстандық балалар өнерлі екендіктерін дәлелдеп, қуантты, – дейді Мөлдір.
Осы байқауға Әсем Искакованың жетекшілігімен қаламыздағы “Айсұлтан” өнер мектебінің тәрбиеленушілері де барып, халықаралық байқаудан Гран-при иеленіп қайтты.
Айтолқын АЙҚАДАМОВА.
