«Парасатты полицей» байқауы өтіп жатыр

Бүгін облыстық филармонияда да тұңғыш рет «Парасатты полицей» атты республикалық байқау өтіп жатыр. Оған еліміз бойынша 22 команда қатысып, бақтарын сынауда.

Ұйымдастырушылардың айтуынша, мақсат – тәртіп сақшыларының қоғамдағы беделін қалыптастыру. Сонымен қатар, ішкі істер органдарының қызмет­керлері арасында мемлекеттік тіл саясатын кеңінен насихаттау, ха­лық­тар достығын нығайту. Байқау­дың ерекшелігі – сайысқа респуб­ликамыздағы барлық ішкі істер органдарындағы әртүрлі сала бойынша қызмет етіп жүрген тәртіп сақшылары қатысты, дейді ҚР ІІМ Мем­лекеттік тіл және ақпарат депар­таментінің директоры Нұрділдә Ораз.

Конкурс бес айналымнан тұрады: «Таныстыру», «Үй жұмысы», «Менің қызметім», «Саптық әндер», «Терминдер тізбегі».

 

Шұға Қоңқабай