Ардагерлер асар жасады
ОІІД ардагерлер кеңесі полицияның учаскелік инспекторы Сергей Бурдаковқа материалдық көмек көрсетті.
Ішкі істер органдарының ардагерлері қостанайлық полицияда болып жатқан жағдайдың бәрінен хабардар болып отырады. Бір қызметкерге көмек керек болса, асар жасап, материалдық және моральдық қолдау көрсетеді.
Учаскелік инспектор Сергей Бурдаковтың баласы Богдан сырқаттанып, емделу үшін қомақты қаржы керек болды. Полицей әріптестерінен көмек сұрағанда облыстық ІІД ардагерлер кеңесінің төрағасы Аманкелді Өмірбаев бастаған ІІМ құрметті қызметкерлері(суретте) бірінші болып көмек қолын созды.
