Көпшілікке – тегін ақпарат

Жастар бұл жолы қаладағы автовокзалға жиналды. Басқосудың басты мақсаты мемлекеттік бағдарламалар жайында көпшілікке толық ақпарат беру. Ал бұл адамдардың көп шоғырланатын жері екені белгілі. Жастардың арқасында мәлімет алғандар көп болды.

Облыстық жастар саясаты мәселелері жөніндегі басқармасының қолдауымен өткен "Жастар – Отанға!" акциясы аясында "Жұмыспен қамтудың жол картасы – 2020", "Бизнестің жол картасы", "Жастар тәжірибесі" бағдарламалары түсіндірілді. Бүгінде көпшілік аталмыш бастаманы білсе де, оны жүзеге асыру жолын біле бермейді. Сонымен қатар денсаулықтарын тексертуді де естен шығармады.

– Бүгін белсенді жастар бірігіп, көпшілікке ақпараттар таратуда. Олар тегін кеңес алып, білмегенін сұрап, қан қысымдарын біліп жатыр. Мұндай бастамалар көпшіліктің назарын аударып, пайдасын береді, – дейді "Жас Отан" жастар қанатының мүшесі М.Ордабаев.

Айтолқын

        АЙҚАДАМОВА

Суретте: акция аясында.