Ы.Алтынсаринді еске алды

Кеше Қостанайда жүгірістен қазақ халқының ұлы ағартушысы Ыбырай Алтынсаринді еске алуға арналған дәстүрлі жарыс болып өтті.

Бұл өңірдегі барлық жеңілатлетика спортының маусымжабары ретінде ұйымдастырылды. Таңертеңігі 9.00-де сап  қала орталығындағы Ақ мешіт маңында  сап түзеген желаяқтар Тобыл өзенін қиып өтіп, Мичурин ауылындағы Ы.Алтынсарин кесенесіне дейін жүгіріп барды.Жарысқа қатысушылар ағартушы кесенесіне гүл шоқтарын қойып, тәу етті.

 Жарыс үш бірдей қашықтық бойынша ұйымдастырылды. 21,1 шақырымға жүгірген желаяқтар арасында 20 жастағылардан бастап 70-тен асқан қариялар да бар. Сондай-ақ, сегіз және екі шақырымдық белестер де бағындырылды.

Айта кетейік, бұл жарыс Ыбырай Алтынсариннің Торғайдағы өз қолымен іргетасын қалаған тұңғыш мектептің 150 жылдық торқалы тойымен тұспа-тұс келді.

 

Айбек Кәдірұлы

Суретті түсірген Айбек Жүзбай