«Ыбырай» станциясы: 7 мачта салынды

Аймақ басшысы Архимед Мұхамбетов Қостанай ауданында қуаттылығы 50 МВт болатын «Ыбырай» жел электр станциясының құрылысы барысын тексерді. Ол бұл туралы "Инстаграм" желісіндегі парақшасында жазды."Бұл нысан жеке инвестициялар есебінен іске асырылуда. Жобамен әрқайсысының қуаты 3,2 МВт болатын 16 жел мачтасын салу көзделеді. Бүгінгі таңда 7 мачта орнатылды, сондай-ақ әкімшілік-тұрмыстық кешеннің құрылысы бойынша жұмыстар жүргізілуде. Ағымдағы жылдың 2 қаңтарынан бастап 12 адам тартылған әкімшілік-тұрмыстық кешенде әрлеу жұмыстары қайта жанданды", – деп жазды А.Мұхамбетов.Облыс әкімі мәлімдегендей, нысанды 2021 жылдың шілдесіне пайдалануға беру жоспарланған. Ол жоспарланған барлық жұмыстарды уақытылы және сапалы аяқтауды тапсырды.