Облыс әкімі өз таңдауын жасады

Бүгінгі ел тарихындағы елеулі оқиға –  ҚР Парламенті депутаттығына және барлық деңгейдегі мәслихаттар сайлауы өтіп жатыр. Саяси науқанға Қостанай облысының тұрғындары да белсенді қатысуда. Көппен бірге облыс әкімі Архимед Мұхамбетов те қаладағы №1 мектептегі сайлау учаскесіне барып, өз таңдауын жасады. Азаматтықміндетін өтегеннен кейін аймақ басшысы облыстағы даярлық жұмыстары жөнінде баяндап берді.

"Бүгін елімізде үлкен науқан – сайлау өтіп жатыр. Біздің аймақтан бұл саясй оқиғаға қатысуға құқылы 567 мыңнан астам сайлаушы тіркелген. Олардың барлығына карантинге байланысты бетперделер, тепловизорлар ,қорғаныш құралдары және тағы басқа қажетті заттар сатып алынды. Облыс көлемінде ауа райы құбылған жағдайда қар тазалайтын техника да сақадай сай. Барлық қалалар мен аудандар арасында байланыс бар. Қазір, баршамыз көріп отырғандай, облыс халқы осы сайлауға белсенді қатысып жатыр. Ең бастысы, сайлау ешқандай ереже бұзушылықсыз өтетініне сенімдімін. Сондықтан да облыс халқына сайлауға бір адамдай үн қосып, өздерінің конституциялық құқығын пайдалану керегін айтқым келеді", – деді облыс әкімі.

Бақылаушылардың айтуынша, облыста сайлау науқаны барысында ешқандай құқық бұзушылық тіркелмеген. Барлығы демократиялық талаптарға сай және карантин режимі қатаң қадағалауда ұсталып өткізілуде.

Суреттерді түсірген Бағдат Ахметбеков