Нұротандықтар медицина қызметкерлерінің тілегін тыңдады
Рудныйда партия өкілдері үгіт-насихат жұмыстарын жүргізді. Қостанай облыстық мәслихат депутаттығына үміткерлер Талғат Қайкенов және Ерлан Алкенов Рудный қаласының медицина қызметкерлерімен кездесті.
Депутаттыққа үміткерлер ұжымға партияның алдағы бес жылға арналған сайлауалды бағдарламасын және партияның жұмыс жоспарын ұсынды. Және «Nur Otan» партиясы қызметінің басты басымдықтары және оның құндылықтары әрқашан адам, оның лайықты өмірі, денсаулығы мен әл-ауқаты болып қала беретінін айтты. Сондықтан сайлауалды бағдарламада Денсаулық сақтау саласын дамытуға ерекше көңіл бөлінген.
Мәселен, материалдық-техникалық жабдықтау мәселесін шешу үшін алдағы жылда коронавирустық инфекциямен күресуге бағытталған материалдық-техникалық жабдықтандырумен, дәрі-дәрмек заттарымен және жеке қорғаныш құралдарымен қамтамасыз етуге жергілікті бюджеттен қаражат бөлінетін болады.
Сондай-ақ, қызметтік тұрғын үй ұсыну немесе жалдамалы тұрғын үйді жалға алу және көтерме жәрдемақы төлеу арқылы облыс әкімінің гранты бойынша оқитын жас мамандарды қайтару есебінен, 25-ке жуық дәрігер тартылатын болады.
Кездесу соңында Талғат Қайкенов пен Ерлан Алкенов жиналғандардың бәрін 2021 жылғы 10 қаңтардағы сайлауға белсенді қатысуға және «Nur Otan» партиясына өз дауысын беруге шақырды.
Рудный қалалық филиалының партиялық бақылау комиссиясының мүшелері сайлау алдындағы үгіт іс-шараларының заңдылығы мен регламентінің сақталуына тұрақты негізде мониторинг жүргізеді. Барлық талаптар орындалды.
«Nur Otan» партиясы Қостанай облысының Сайлау қорының қаражатынан төленді .
