Баспаналы болу – бір бақыт

ҚР Папрламентінің депутаты Әлия Сапарова Наурызым ауданына қарасты бірнеше ауылға барды. Халық қалалулысы бұл туралы "Фейсбук" желісіндегі жеке парақшасында жазды.

"Қараменді ауылында “Ауыл – Ел Бесігі” мемлекеттік бағдарламасы аясында 18 пәтерлі тұрғын-үй қайта жөнделіп, Тұңғыш Президент күні қарсаңында денсаулық сақтау, бюджеттік сала, көп балалы отбасыларға пәтер кілті табыс етіліпті. Жаңа үй тұрғындары бізді риза көңілмен қарсы алды. Партиямыздың жаңа бағдарламасындағы жаңалықтарды қуана қабылдады", – жеп жазды Әлия Сүйіндікқызы.

Депутат бұдан соң Шолақсай ауылындағы “Шолақсай-1” ЖШС жұмысшыларымен кездесу өткізді.

"Серіктестік жұмысшылары қазіргі күрделі жағдайға қарамастан жұмыс істеп, әлеуметтік-экономикалық жағдайды тұрақтандыруға үлес қосып келеді. Елдегі саяси жағдайға да бейжай қарамайды. Сондықтан болар, 30-ға жуық адам бас қосқан кездесуіміз сұрақ-жауаптармен, ұсыныс-тілектермен біраз уақытқа созылды. Пандемияға қатысты талаптарға сәйкес, бір жерге көп адам жинай алмасақ та, көп жерге барып, партиямыздың сайлауалды бағдарламасын көп адамға жеткізуге тырыстық, – дейді депутат іссапары туралы. – Өйткені, “Nur Otan” партиясының сайлауалды бағдарламасы қазіргі заманауи талаптарға нақты жауап деп білеміз. Қиындықты еңсеріп, жеңіске бірге жетеміз".