Облыс әкімінің құттықтауы
Құрметті қостанайлықтар!
Сіздерді Ұлттық мереке – Қазақстан Республикасының Тәуелсіздік күнімен құттықтаймын!
Біз Қазақстан Тәуелсіздігінің мерейтойы қарсаңында тұрмыз. Қазақстан Республикасының Президенті Қасым-Жомарт Кемелұлы Тоқаев өзінің Қазақстан халқына Жолдауында: «Біз – халқымыздың тәуелсіздік туралы көпжылдық армандары мен ұмтылыстарын жүзеге асырған ұрпақпыз. Келесі жыл – Тәуелсіздіктің 30 жылдығы. Бұл мерейтой күні – Егемен Қазақстан үшін маңызды кезең. Бұл жаңа тарихи кезеңнің басы», – деп атап өтті.
Қазақстан Республикасы егеменді және демократиялық мемлекетке айналды, оның басты құндылығы азаматтың жеке басы болып табылады.
Елде демократиялық саяси жүйе және тұрақты экономика құрылған.
Қоғамда бейбітшілік пен келісім орнады, олар қоғамның адамгершілік және этикалық нормасына айналды, осы құндылықтарды сақтау және көбейту үшін «Рухани жаңғыру» бағдарламасы бағытталған. Әлемдік қоғамдастық елдерімен достық пен ынтымақтастық сенімді қарым-қатынастар орнатылған, ел халықаралық ұйымдардың қызметіне белсенді қатысады және лайықты құрмет пен беделді пайдалана отырып, әлемдік аренада бекем позицияға ие болады.
Бұған дәлел, Еуропадағы қауіпсіздік және Ынтымақтастық Ұйымының тарихында алғаш рет қазақстандық дипломат аз ұлттар істері жөніндегі Жоғарғы комиссар болып тағайындалды.
Мемлекеттің жетістіктері қазақстандықтардың еңбекқорлығы мен патриотизміне тікелей байланысты. Қостанай жері әрқашан жасы мен мәртебесіне қарамастан, коронавирустық инфекция пандемиясы кезеңінде қиын жағдайға тап болған жерлестеріне көмек пен қолдау көрсете отырып, жан дүниесі мен жомарт жүрегін көрсеткен тату және ұйымшыл азаматтармен танымал болды. Тәуелсіздіктің отыз жылы ішінде біздің облыс қуатты Қазақстанды құруға баға жетпес үлес қосып келеді және мемлекет экономикасында ерекше орын алады.
Біз елдің машина жасау саласындағы көшбасшымыз. Қостанайлық кәсіпорындардың конвейерінен еліміздің және жақын шетелдің өңірлеріне автомобильдер мен ауыл шаруашылығы техникасы жіберіледі. Сонымен қатар, біздің облыс еліміздің басты астық қоймаларының бірі болып қала береді, осылайша республиканың азықтүлік қауіпсіздігін қамтамасыз етуге өз үлесін қосады.
Құрметті жерлестер!
Сіздерді осы айтулы мерекемен шын жүректен құттықтаймын. Біздің ортақ үйіміз – Қазақстан Республикасына бірлік пен келісім тілеймін!
А.Мұхамбетов,
Қостанай облысының әкімі
