Ұстаз болу-дүниеге нұр шашу

Мектеп –қасиетті білім мекені. Сол касиетті мекенінің жүрегі- ұстаз. Ұстаз қолында – адам тағдыры, болашақ мемлект тағдыры тұрады. Ал, бүгінде балаларды тәрбиелеу, білім беру- жауапты іс. Сол жанкешті еңбекке қарамастан мұғалім сөзімен, ісімен, білікті білімімен, мәдениетімен, ұйымдастырушылық қабілетімен, төзімділігімен, балаларға деген сүйіспеншілігімен, мейірімді жүрегімен асқақ. Міне, осындай мәртебелі мамандық иелерінің мерейлі мерекесіне арналған салтанатты қабылдау болды. Облыс әкімі Н. Садуақасов облысымыздың ең таңдаулы да үздік, шығармашыл да креативті, білім тарландары және  күні кеше еңбек жолын бастаған жас педагогтармен  жүздесті.

-Ұстаз еңбегі-негіз, ал, мектеп – әр адамның өмір жолының бастауы. Әрқайсымыздың  жеке тұлға болып қалыптасуымызға  ықпал етіп, әсер берген сүйікті ұстазымыз, жасы көретін пәніміз болды. Сондықтан ұстаздарыңызды ешқашан ұмытпаңыздар.

Соңғы жылдары өңіріміздегі білім саласына бөлінген қаржы көрсеткіші қырық жеті млрд. теңгеге жетті, үстіміздегі жылы білім мекемелерінің жөндеу жұмыстарына 700 млн. теңге бөлінді.  Республика бойынша  біздің облысымыз балаларды мектепке дейінгі мекемелермен қамтуда алдыңғы қатарда.  Өңірдегі техникалық және кәсіптік білім беру саласына дуалдық оқыту енгізілу үстінде. Үш жүзге жуық жас маман ауыл-селоға барып, өздерінің ең алғашқы еңбек жолдарын бастады. Олардың отыз алтысы жоғары оқу орындарын қызыл дипломмен аяқтады, -деді өзінің құттықтау сөзінде облыс әкімі Н. Садуақасов.

Содан кейін салтанат аясында  марапат пен мадақтамалар да болды. Солардың қатарында  ұстаз жолындағы қажырлы  да елеулі  еңбектері үшін  Аманкелді ауданы  Ы. Алтынсарин атындағы орта мектебінің математика пәнінің мұғалімі Болат Абдуалиев  Ы. Алтынсарин төсбелгісіне, Қостанай қаласындағы №2 мектеп-лицейінің директоры Вера Маркерова «Еңбек ардагері» атағына ие болды. Сол секілді бір топ мұғалім  ҚР Білім  және ғылым министрлігінің, облыс әкімінің құрмет грамотасымен марапатталды. Олардың қатарында  Н. Құлжанова атындағы Торғай гуманитарлық колледжінің директоры С. Тасмағамбет,  ұстаздар М. Түсіпова, Б. Халилов. Л. Мәженова бар.  Жас педагогтар да назардан тыс қалған жоқ. Олардың барлығы облыс әкімі атынан ноутбукқа ие болды. Салтанатта  облыс пен Қостанай қаласы әкімдерінің мұғалімі болған Зейнегул Нұрмухамбетова да болып, жиналғанғандарға өзінің ізгі тілегін айтып, жылы лебізін білдірді.

Мақаланың толық нұсқасын газет бетінен оқисыздар

                                    

Гүлназым Сағитова