Жас дәрігерлермен толықты
Қостанай өңіріндегі медицина мекемелері 85 жас маманмен толықты. Олардың дені жоғары оқу орындарының түлегі.
Емдеу мекемелерін толықтырған мамандар: педиатор, акушер-гинеколог, терапевт және жалпы практика дәрігерлері.
Жақында жұмысқа орнасқандардың бірі – Елизавета Васильева.Ол оқуын аяқтаған соң туған жерге оралуды жоспарлағанын айтады. Қостанайдағы №4 қалалық емхана ұжымы оны құшақ жая қарсы алды. Алғашында тіркеу бөлімінде жұмыс істеген жас маман кейін бірер уақыт медбике қызметін атқарды. Ал қазір учаскелік педиатор.
"Оқып жүргенімде осы мекемеде практикадан өткенмін. Ұжымы ұнады. Диплом алған соң, ойланбастан осында келдім", – дейді Елизавета Васильева.
Облыстық денсаулық сақтау басқармасының мәліметінше, алдағы уақытта аймақтағы емдеу мекемелеріне тағы 200 маман келеді. Олардың тұрақтап қалуы үшін барлық жағдай жасалмақ, Баспанамен қамтып, көтерме ақы беріледі.
