Адалдықтың бейнесі
Халық педагогы Ыбырай Алтынсарин, батыр Сұлтан Баймағамбетов, философ Әбу насыр Әл-Фараби, сондай-ақ ақын, географ және белгілі саяхатшы Шоқан Уәлихановтың есімдері біздерге бала кезден таныс.
Енді олардың бейнесі қостанайлық көп қабатты үйлердің қасбеттерін безендіріп тұратын болады. Қостанай облысы бойынша сыбайлас жемқорлыққа қарсы іс-қимыл Агенттігінің Департаментімен бірлесіп, қалалық билік осындай бастама көтерді.
Адалдықты, әділдікті, парасаттылықты және қазақстандық патриотизмді тәрбиелеу мәселелері бүгінде Сыбайлас жемқорлыққа қарсы іс-қимыл агенттігі қызметінің негізгі бағыттарының бірі болып отыр. Ұйымдастырушылардың айтуынша, жаңа мұралдардың негізгі мақсаты – қалаға әдемі көрік бере отырып, азаматтарға патриоттық тәрбие беру. Ш.Уәлиханов бейнеленген жаңа мурал КЖБИ ауданында пайда болды.
"Биыл жерлесіміз Шоқан Уәлихановтың 185 жылдық мерейтойы аталып өтілуде. Біз де ол осы айтулы датаға өз үлесімізді қосқымыз келді"- деп атап өтті сыбайлас жемқорлыққа қарсы қызмет басшысы Қуаныш Бекбасов. "Парасаттылық, адалдық қасиеттерін қалыптастыру біздің жұмысымыздың ажырамас бөлігі. Біздің қоғам сыбайлас жемқорлық сияқты әлеуметтік ауруды тек топтасып жеңуге болатындығын түсінуі керек. Сондықтан біздің бүгінгі басты міндетіміз – азаматтардың бойында қазақстандық патриотизм рухын тәрбиелеуге бағытталған осындай бастамаларды іске асыру арқылы мұндай арлы істердің алдын алу".
Еске сала кетейік, облыс орталығында Абай Құнанбаев пен ҚР Еңбек Ері Кәмшат Дөненбаеваның құрметіне арналған муралдар бұдан бұрын да пайда болған еді. Болашақта мұндай жобалар облыстың басқа қалалары мен аудандарында салынады деп жоспарлануда.
