Келесі жекпе-жек Германияда
Супер ауыр дивизиондағы нокаутшы, жерлесіміз Жан Кособуцкий (13-0, 12 КО) Vesti.kz тілшісіне берген сұхбатында келесі жекпе-жегін Германияда өткізу мүмкіндігі жайлы айтты.
Жекпе-жек 4 шілде Гамбургте жоспарланған болатын. 31 жастағы боксшы бұл кездесудің белгіленген уақытында өтеріне сенімді екен.
Кособуцкий биыл бір жекпе-жек өткізіп үлгерді, Дубайдағы кездесуде ол ганалық 29 жастағы Абрахам Табулды (17-4-1, 14 КО) нокаутпен жеңген.
"Жоспар бойынша 4 шілдеге дайындалып жатырмын", – дейді боксшы.
Еске салайық, Кособуцкий кәсіпқой карьерасын 2017 жылы бастап, Германия, БАӘ, Беларусь, Ресей мен Украинада кеш өткізген болатын. Әуесқойда боксшы Қазақстанның үш дүркін чемпионы атанған.
