Облыс әкімі Қарабалықта (ФОТОРЕПОРТАЖ)

by Qostanaı tańy · 27.05.2020

Қостанай облысының әкімі Архимед Мұхамбетов жұмыс сапарымен Қарабалық ауданына барды. Аймақ басшысы осы іссапары туралы "Инстаграм" желісіндегі парақшасында жазды.Облыс басшысы бірінші кезекте «Poultry-Agro» ЖШС құс фабрикасында болды.Фабрикада жаңғырту жұмыстары жүргізілуде. Өндірістік қуат жылына 20 мың тоннаға дейін жетпек. Жоба «Қарапайым заттар экономикасы» бағдарламасы аясында субсидияланған. 2020-2023 жылдарға жоспарланған инвестиция сомасы – 4 млрд теңге. Мұнда 260 жұмыс орны ашылмақ.Бұдан кейін аймақ басшысына "Жұмыспен қамту жол картасы" жобаларының жүзеге асырылу барысы таныстырылды. Қарабалық кентінің көшелеріне 100 млн теңгеге орташа жөндеу жүргізіледі. Бұл жұмыстар аясында 25 жұмыс орны құрылған.Сонымен қатар, «Орталық» стадионының футбол алаңында жалпы құны 52 млн теңге болатын ағымдағы жөндеу жұмыстары басталған. Бұл жерде жаңадан 13 жұмыс орны ашылды."Сондай-ақ, аудандық аурухананың ағымдық жөндеу барысын қарап шықтым. Жобаның жалпы құны – 90 млн теңге. 23 жұмыс орны құрылды, жұмыспен қамту орталығы арқылы 11 адам жұмысқа орналастырылды, – деп жазды А.Мұхамбетов. – Жалпы, Қарабалық ауданында жалпы құны 305 млн теңге болатын ЖҚЖК арқылы 4 жоба іске асыру басталды, 84 жұмыс орны құрылды. Оның ішінде жұмыспен қамту орталығы арқылы 42 адам жұмысқа орналасады".Облыс әкімі одан әрі «Қарабалық көмек алаңы» фронт-кеңсесіне барды. Фронт-кеңселердің қызметі халықпен байланысты жеңілдетуге және азаматтарға қызмет көрсетудің ашықтығын, қол жетімділігін қамтамасыз етуге мүмкіндік береді. Айта кету керек, қазіргі уақытта қалалар мен аудандарда 18 кеңсе жұмыс істейді.Іссапар барысында көктемгі егіс жұмыстары да назардан тыс қалмады. Архимед Мұхамбетов «Агро-Торо» ЖШС егіс алқабында болып, ауданның ауыл шаруашылығы тауарларын өндірушілермен кездесу өткізді. Жиын барысында өңірдің агроөнеркәсіп кешенін дамыту мәселелері талқыланды, сондай-ақ диқандардың мәселелері тыңдалды. Биыл Қарабалық ауданы бойынша 244,7 мың га алаңға дән сіңіру жоспарланған.Сапар қорытындысында аудан әкіміне ЖҚЖК жобаларын іске асыруды бақылауда ұстау, сондай-ақ егіс науқанын уақытында аяқтау тапсырылды.