Мектеп жаңаруда
Қарабалық аудандағы №2 орта мектепте күрделі жөндеу жұмыстары жүріп жатыр. Қазіргі уақытта білім ошағының ескі шатыры ауыстырылды.
Ескі терезелер жаңарып, кәріз жүйесі, су және электр құбырлары жаңадан орнатылмақ. Тозығы жеткен жиһаздар да заманауи жабдықтармен алмастырылатын болады. Мектептің ішкі көрінісі адам танымастай өзгереді деп жоспарлануда. Мұндағы күрделі жөндеу жұмыстарына сексен құрылысшы жұмылдырылған. Соның қырығы «Бизнестің жол картасы 2020» бағдарламасы бойынша жұмыс істеуде.
