СOVID-19: +19

Қостанай облысының Жітіқара қаласында коронавирустық инфекцияны (2020 жылғы 18 мамырдағы мәліметі бойынша) 19 адамның жұқтырғаны анықталды.  

ПТР диагностикалық зерттеулердің нәтижелері «УК – 161/3 мекемесі» РММ 19 қызметкерінің (11 ер кісі және 8 әйел) СOVID-19  сырқатын жұқтырғанын растаған.  Сырқаттанып қалғандардың жасы 21-54 аралығында.    Науқастардың коронавирус жұқтырған адамдармен жақын байланыста болғаны мәлім болды. Қазіргі таңда науқастар Жітіқара қалалық ауруханасына жатқызылды. Бекітілген тәртіпке сай, оларға емдеу шаралары жүргізілуде. 

18.05.2020 жылғы мәлімет бойынша облыста СOVID-19  жұқтырудың 98 жағдайы тіркелді, 47 адам сауығып,  ауруханадан шығарылды.