Пара аламын деп қызметінен қуылды

Қостанай ауданының жергілікті полиция қызметкері 17 сәуір күні жол ережесін бұзған жүргізушіні әкімшілік жауапкершілікке тартпағаны үшін 20 мың теңге пара алған.  

– Пара алған полицейді сыбайлас жемқорлыққа қарсы қызмет өкілдерімен полиция департаментінің  ішкі қауіпсіздік басқармасы қызметкерлері  ұстады. Оған қатысты қызметтік тергеу жүргізілді. Нәтижесінде  қызметінен босатылып отыр. Оның тікелей басшылары да қатаң тәртіптік жауапкершілікке тартылды. Полиция қызметкерлерінің заңға қайшы әрекетіне куә болған тұрғындардың 54-42-47 нөмірлі сенім телефонына немесе 8-707-715-44-24 нөміріне шағымдануын сұраймыз, – деп мәлімдеді полиция департаментінің баспасөз қызметі.