Халқымыз үшін маңызды
Бірнеше айдан бері жер жүзі короновирус індетімен күресуде. Біздің елде де бірқатар шаралар қолға алынды. Мәселен, қиын кезеңде халықты қолдау үшін "Жұмыспен қамтудың жол картасы" бағдарламасы қабылданды. Осы арқылы қазіргі уақытта 240 мың жұмыс орны ашылмақ. Ал оны жүзеге асыру үшін 1 трлн теңгеге дейін бөлу жоспарланған екен. Бұл үлкен көмек. Бастысы – мемлекет қарапайым халыққа барынша жағдай жасауға тырысып бағуда. Үкімет бөлген осы қыруар қаржы елдің еңсесін тіктеуге жұмсалса одан артық игілік бола ма? Бүгінгідей сын сағаты туған кезде халықтың амандығы, ел ішінің тұтастығы маңызды.
Нагашыбай Алпысов, еңбек ардагері.
