Мектептен ішек ауруы шықты
Ұзынкөл ауданында 47 оқушының мектеп асханасындағы тамақтан уланғаны расталды. Бұл туралы облыстық тұтынушылар құқын қорғау департаментінде өткен брифингте департамент басшысының орынбасары Сәуле Байменова айтты:
– Төрт дайын тамақ тексерілді. Соның ішінде екеуінде стафилококк ауруы анықталып отыр. Ол макарон тамағы, сонымен қатар дайын тамақтардың үстіне құйылған тұздықтардың ішінен табылды.
Сондай-ақ, тексеріс кезінде мектеп асханасында дайындалған тағамдардан ішек таяқшалары табылған. Бұл бактерияны бастапқы таратушы адам болуы мүмкін. Бірақ оның кім екендігі әзірге беймәлім.
Шұға Қоңқабай
