Оқулық тапшы
Лисаков шаһарында 3-ші және 10-шы сынып оқушылары сабаққа сөмкесіз барады. Аталған сынып оқушыларына кітап жетпей қалған көрінеді.
Білім басқармасы басшысының орынбасары келтірген мәліметке жүгінер болсақ, жаңа оқу жылы қарсаңында қажетті оқулықтарға тапсырыс беріліпті. Қомақты қаржы алдын ала аударылса да, тапсырысты орындаушылар өз ісіне немқұрайлы қараған. Осының салдарынан, оқушылар білім бағдарламасын толық игере алмай жүр.