Экономикалық бақылау күшейеді
Премьер-министр Асқар Мамин үкімет отырысында бірнеше тапсырма берді, – деп хабарлайды Tengrinews.kz тілшісі.
"Самұрық-Қазына" қорына, басқарушы холдингтерге, бұрын қол жеткізілген келісімдерге сәйкес, өздерінің валюта нарығындағы іс-қимылын Ұлттық банкпен келісуді тапсырамын. Ұлттық экономика, Қаржы министрліктері бақылауды және тиісінше үйлестіруді қамтамасыз етсін. Ағымдағы міндеттемелерге қатысы жоқ шетелдік валютаны сатып алу операцияларын жүргізуге шектеу салынсын", – деді премьер-министр. 
Сонымен қатар, Асқар Мамин Еңбек және халықты әлеуметтік қорғау министрлігіне әлеуметтік жәрдемақыларды уақытында төлеп, жұмыспен қамтудың жаңа жол картасын әзірлеуге және соның шеңберінде инфрақұрылымдық жобаларды іске асыру, әлеуметтік нысандарды жөндеу және елді мекендерді абаттандыру жөніндегі жұмысты күшейтуге, сондай-ақ әкімдіктермен бірлесіп азаматтардың еңбек құқықтарының сақталуына қатаң бақылауды қамтамасыз етуге тапсырма берді.
