Коронавирусқа қатысты оқу-жаттығу өтті
Қостанай қаласының халықаралық әуежайында Қытайда және басқа да елдерде тарап жатқан коронавирус дертіне байланысты оқу-жаттығу шарасы ұйымдастырылды.
Оқу-жаттығу жоспарына сәйкес, “Нұр-Сұлтан-Қостанай” әуе кемесінің бортында денсаулық жағдайының нашарлауына шағымданбаған науқас әйел ұшады. Жолаушылар ұшып келу залына шыққан кезде санитариялық-карантиндік пункттің қызметкері байланыссыз термометрия жүргізді, нәтижесінде жолаушының дене қызуының көтерілуі анықталды. Әйел Қытайдағы достарына қонаққа барған көрінеді.
Барлық мүдделі ведомстволар дереу хабардар етіліп, науқасты арнайы капсулаға салып, одан кейін ол шұғыл ауруханаға жатқызылды.
Оқу-жаттығуды өткізуге облыстық тауарлар мен қызметтердің сапасы мен қауіпсіздігін бақылау департаменті мен облыстық төтенше жағдайлар департаментінің қызметкерлері және медицина мамандары қатысты.
