Нәзік жандарға – қолдау
Қостанай облысында Қазақстан іскер әйелдері қауымдастығы Денсаулық сақтау және әлеуметтік даму министрлігінің қолдауымен "Әлеуметтік еңбек аясында әйелдер арасында ақпараттық-түсіндіру жұмысы" семинар-жиыны өтті.
Бүгінгі таңда ел жұртшылығының лайықты түрде жұмыспен қамтылуы – бұл ең алдымен республика халқын әлеуметтік тұр-ғыдан қорғаудың негізі. Оған мысал ретінде Қазақстанда 2011 жылдан бері жүзеге асырылып келе жатқан "Жұмыспен қамтудың жол картасы-2020" бағдарламасын айтуға болады. Бағдарлама бірінші кезекте оқытуға, жұмысқа орналасуға, жеке өз ісімен айналысуға, оны әрі қарай дамытуға қолдау көрсету мен жұмыссыздық деңгейін төмендетуге және де әлеуметтік-ахуалды жақсартуға бағытталып отыр. Жалпы алғанда әлеуметтік еңбек қатынастар жүйесінде әлеуметтік тәуелділікті тудыратын кейбір факторлар тән. Ол алдымен жұмыссыздықпен, жұмыспен қамту құрлымының өзгеруімен, жұртшылықтың ақпараттандыру деңгейі төмен болуымен байланысты екен. Алайда тәжірибе көрсеткеніндей халықтың жұмыспен қамту бағдарламасының мақсаты мен міндеті, жүзеге асырылатын іс-шаралар туралы ақпаратпен төмен деңгейде қамтамасыз болуы салдарынан еліміздегі жұмыссыздар саны 463,2 мың адамды құрап отыр, бұл дегеніңіз жұмыссыздық 5,1% деген сөз. Сол секілді шамамен 1,1 млн. адам өз еркімен өнімсіз жұмыспен айналысады. Жинақтаушы зейнетақы жүйесімен қамтылмаған және әлеуметтік сақтандыру жүйесіне қатыспайтын 2,6 млн. адам өзі-өзін жұмыспен қамтып отыр. Сол жұмыссыздардың көп үлесін ауыл-селода тұратын қыз-келіншектер құрайды.
– Сондықтан да Қазақстан іскер әйелдері қауымдастығы Денсаулық сақтау және әлеуметтік даму министрлігінің қолдауымен еліміздегі әйелдердің әлеуметтік ахуалын жақсартуға бағытталған "Әлеуметтік еңбек аясында әйелдер арасында ақпараттық-түсіндіру жұмысы" атты жобаны қолға алып отыр. Бұл іс-шара аясында қыз-келіншектеріміздің еліміздегі "Жұмыспен қамтудың жол картасы-2020" бағдарламасына қатысу мүмкін-діктері туралы ақпараттандыру деңгейі мен әйелдердің әлеуметтік-еңбек аясындағы құқықтарын көтеру, жеке іскерлікпен айналысуға, жұмысқа орналасуға қолдау көрсету, әлеуметтік-ахуалын жақсартуға бағытталып отыр. Бұл бағдарлама әлі де болса өз деңгейінде жұмыс істеп отыр деп айта алмаймыз. Енді ойлап көріңізші, бірнеше жылдардан соң өзі-өзін жұмыспен қамтып отырғандар зейнет жасына келгенде қандай зейнетақы алады? Қоғамда әлеуметтік шиеленістер туындауы мүмкін. Ал, енді жобаға келер болсақ, жоба үш мақсатты топты қамтиды, біріншісі, жұмыссыз және өз-өзін жұмыспен қамтып отырған әйелдер, сонымен қатар жас қыздар, екіншісі, репродуктивті жастағы әйелдер, ал, үшіншісі, зейнет алды және зейнет жасындағы әйелдер. Әйелдердің еркектерге қарағанда алар еңбекақысы да төмен.
Үстіміздегі жылдың аяғына дейін іскер әйелдер қауымдастығы Қостанай облысында кем дегенде жиырма әйелге өздері-нің істерін ашуға көмек бермекпіз. Осы жоба және де Алматы, Атырау облыстарында да жүзеге асырылады. Сол секілді жұртшылықтың қаншалықты "Жұмыспен қамтудың жол картасы-2020" мемлекеттік бағдарламасымен ақпараттандырылғаны туралы мониторинг үшін еліміз-дің барлық өңірінде әлеуметтік сауалнама жүргізбекпіз, – деді бізге республикамыздағы іскер әйелдер қауымдастығының төрайымы Раушан Сәрсенбаева.
Гүлназым
Сағитова
