Өз тіліңді құрметте…
Ана тілің – арың бұл,
Ұятың боп тұр бетте.
Өзге тілдің бәрін біл
Өз тіліңді құрметте, –
деп ақын жырлағанындай, қазақ халқының ана тілін ардақтап, оның қолданылуын кеңейту, мем-лекеттік тіл мәртебесіне толықтай ие болуы үшін Қостанай қа-ласындағы №8 орта мектебі-міздің директоры Бәтима Мұқановна басшылығымен бағыт-бағдар берудің нәтижесінде ұстаздар қауымы көптеген жұмыстар атқарылып жатыр.
Ол үшін қазақ тілін оқып үйрету бағытындағы іс-жоспарлар, бағдарламалар, оқулықтар, сөздіктер де шығып жатыр. Орыс мектепте-ріндегі оқушыларға мемлекеттік тілді үйренуге, игеруге арналған жобалардың басым көпшілігі қолдануға қолайлы, тілді қызықтыра оқыту, дамыта оқыту сияқты әдістемелер де, сөздіктер де жетерлік. Мектебіміздегі оқу-шыларға тіл үйретіп, сабақ беріп жүрген ұстаздарымыздың да ең-бегі жемісті деп айтар едім. Мысалы, ұстаздар Әсел Салықованың, Динара Тәжібаеваның, Ғалия Мұсафаеваның оқушылары қалалық, облыстық, республикалық олимпиадалардың жүлдегері. Атап айтсам, Тимофей Мазеин, Виктория Хаменкова сынды оқушыларымыз республикалық зерделік ойынының жүлдегерлері. Гүлжан Қарагүл қазақ тілі пән олимпиадасында, Айнұр Орынбекова "Зерде" ғылыми жобаларды қорғау байқауында 3-ші орындарды алды. Тілге арналған "Жарқын болашақ" облыстық олимпиадасында Александр Ульянов 3-ші орынға ие болды. Сол секілді қалалық олимпиада да Ксения Машкова 3-ші орынды иеленді. Ал, енді өзім білім берген оқушым Аня Любицкая қазақ тілін жақсы игеріп, бірнеше мәрте мемлекеттік тілге арналған олимпиадалардың жеңімпазы болды. Мектеп бітірген соң оқу орнындағы қазақ тілі мен әдебиет факультетін бітіріп, қазақ жігітіне тұрмысқа шықты.
Әрине, өзге ұлт өкілдеріне қазақ тілін үйрету оңай деп айта алмаймын. Десе де түрлі әдіс, теория, практикалық жаттығулар, көрнекі құралдар, көркем суреттер, бейнематериалдарды қолдану арқылы діттеген мақсаттарымызға жетіп жүрміз.
Елбасы Н.Ә.Назарбаевтың "Мәңгілік ел " стратегиялық бағдарламасында әрбір қазақ азаматы үш тілді игеруі керек деген мақсат қойды. Осы бағытта ұстаздарымыз өмір ағымына орай өз жұмыстарымызды нәтижелі, қызықты өткізуді көздеп отырмыз. Таяуда біздің оқушыларымыз өмір ағымына сай: "Қостанай – 135", "Шетелдік досқа хат", "Ел ертеңі жастар", "2050-ге саяхат" деген сияқты тақырыптарда әңгіме кұрып, пікірталас ұйымдастырдық. Тілді үйрету барысында жұмыстарымыз бен сабақтарымызды әріптестеріміз-бен кеңесе отырып ұйымдастырамыз. Бір-бірімізбен тәжірибе алмасу да жолға қойылған. Тілдер күніне де назардан тыс қалмайды. Сондықтан, еліміздің абыройы асқақ, мақсаты айқын, айбыны биік екенін әлемнің алпауыт елдері де мойын бұрған шақта, осындай еңселі елдің ұстаздары да осал болмауы керек.
Раушан ӘБЕНОВА,
қазақ тілі мен әдебиеті пәні мұғалімі.
Қостанай қаласы.
