«Ұлы Дала мұрагерлері»

Тұңғыш Президент күнін мерекесі қарсаңында Қостанайдағы физика-математикалық бағыттағы Назарбаев Зияткерлік мектебі оқушыларының, балғын домбырашылардың қатысуымен осындай атауда KOSTANAY PLAZA ойын-сауық орталығында музыкалық флэшмобы өтті.

 

"Акцияның мақсаты – қазақстандық патриотизмді қалыптастыру, адамгершілік және рухани құндылықтарға тәрбиелеу, өз халқының мәдени мұрасына деген сезімін ояту", – дейді Назарбаев Зияткерлік мектебі директорының тәрбие ісі жөніндегі орынбасары Маслихат Зәмірбекқызы.

Сауда орталығында Зияткерлік мектептің жас домбырашылары Құрманғазы атамыздың «Адай», «Балбырауын», «Ерке Сылқым» және тағы басқа күйлерін тарту етті. Іс-шара алдында 7-сынып оқушылары домбырамен попурри ойнады. Мереке соңында мектептің шығармашылық ұжымы, болашағымыз жарқын болсын деген ниетпен флешмоб биін «Бір үйдің баласындай» атты әнімен аяқтады.

 

Жастар флеш-мобы дәстүрлі түрде еліміздің барлық өңірлеріндегі Назарбаев Зияткерлік мектептерінде өтетін болады. Алғаш рет 2015 жылы домбырашылардың музыкалық флешмобы «Біз Ұлы даланың балаларымыз!» атты мерекелік шара еліміздің сауда және ойын-сауық орталықтарында Тұңғыш Президент күні қарсаңында ұйымдастырылған болатын.

Суреттерді түсірген Бердіболат Көркембаев