БОЛАШАҒЫ БАЯНДЫ – “БАЯН СҰЛУ”
Қостанайда жаңа кондитерлік цех іске қосылмақ. "Баян Сұлу" кондитерлік фабрикасы отыз жылдан бері қаңырап бос тұрған нан зауытының ғимаратын сатып алды. Жаңа нысанды пайдалануға берудің алғашқы кезеңіне 13 млрд теңге қажет. Оның үштен бірін компания өз қалтасынан төлеуге дайын. Қалғанын қарыз есебінен толықтыру көзделген. "Баян Сұлу" АҚ Бас директоры Тимур Садықов облыс әкімінен қосымша қаржы ақша табуға көмектесуін өтінді. Бұған "Тобыл" әлеуметтік кәсіпкерлік корпорациясының әлеуеті жетеді. Өңір басшысы ӘКК басшылығына осы жобаға қатысу мүмкіндігін қарастыруды және жақын арада қабылданған шешім туралы хабарлауды тапсырды.
Айта кету керек, жобаны жүзеге асыру 250 жаңа жұмыс орнын ашуға мүмкіндік береді. Үшінші жаңа бисквит цехының қуаттылығы жылына 25 мың тоннаға жуық өнімді өндіруге қауқарлы. Компания басшысының айтуынша, бүгінде кондитер фабрикасы өнімнің 40% -тен астамын экспорттайды. 2022 жылы өндіріс көлемін 15% – ке ұлғайған. Яғни, кәсіпорын бұрнағы жылға қарағанда 50% – ке көп табыс тауыпты.
Әлібек ЫБЫРАЙ.
