Халал сертификаты табысталды
Қостанай облыстық мешітінде ҚМДБ-ның «Халал даму» бөлімінің жауапты өкілі Әлішер Ертайұлы жамағат алдында сертификаттарды салтанатты түрде тапсырды. Бұл туралы ҚМДБ-ның Қостанай облысы бойынша өкілдігінің баспасөз қызметі хабарлайды.
Қостанайдағы «Beefstream» қасапханасының төрт қасапшысы арнайы оқытылып, «Халал» қасапшы куәліктеріне ие болды. Бұл – аталмыш құжатты алған тұлғалар әрдайым дастарғанымызда болатын еттің адал болуына кепілдік береді деген сөз.
Сонымен қатар, аталған қасапхана «AltynEt» сауда белгісі арқылы ет сататын дүкен ашып, халық игілігі жолында жұмыстарын бастап та кетті. Сондай-ақ, «Arzu» дәмханасы да алғаш рет халал сертификатын алды. Бұл дәмхана халал талаптарына толық сай келетінін дәлелдеген.
