Арулар сыны
Қостанай қаласындағы Балалар шығармашылығы үйінде "Қыз сыны" байқауы өтті. Ажарлы да ақылды арулар сынағына қаладағы мектептердің жоғары сынып оқушылары қатысты.
Іс-шараның басты мақсаты – қазақ қызына тән барлық болмысты көрсету, салт-дәстүрлерді дәріптеу. Бұл байқаудың өтуіне 23 ұйым өкілдері демеушілік жасап, қолдау білдірді. Сонымен, үміткер арулар көпшілік көрерменнің және қазылар алқасының алдында барын салып, өнер-білімін көрсетті. Байқау қорытындысында бірінші орынды С.Мәуленов атындағы гимназиясының 9-сынып оқушысы Айша Ғазиз жеңіп алды. Екінші жүлде де осы мектептің атынан қатысқан 9-сынып оқушысы Гүлнұр Әбеуоваға бұйырды. Ал үшінші орынға №10 мектептің 8-сынып оқушысы Талшын Мұхтарова лайық деп танылды. Өзге қатысушылар да әртүрлі аталымдар бойынша марапатталды. Жеңімпаздарға әртүрлі сомадағы жеңілдік сертификаттары табыс етілді. 
