Үлгілі отбасы

Арқалық қаласындағы Мырзағалиевтар отбасы жеті адамнан турады.  Отағасы Қайсар Есім-ұлы қаладағы өртке қарсы қызмет мамандандырылған жасақтың жүргізушісі болып жұмыс істейді. Оның жұбайы Мархабат Ұзақбайқызы жеке кәсіпкер. Ерлі-зайыптылар бес баланы тәрбиелеп отыр. Ұл-қыздарының алды жоғары оқу орындарында оқып жүр. Мәселен, тұңғыштары Арайлым  Астана қаласындағы Еуразия колледжінің 3 курс студенті, ортанша қызы Ақбаян Елордадағы "Тұран" институтының 1 курс студенті. Одан кейінгі перзенттері Мәдина мен Дияс Арқалықтағы Родина орта мектебінде оқиды. Үйдің кенжесі Інжу аталмыш  мектептегі шағын-орталықтың тәр-биеленушісі.

Бес баланы мәпелеп отырған Қайсар Мырзағалиев мемлекеттік өртке қарсы қызмет органдарында 2001 жылдың сәуір айынан бері жұмыс істейді. Ол өзіне бекітіл-ген техниканың тұрақты және тоқтаусыз жұмыс істеуіне жауап береді.  Жас  қызметкерлерге өрт-техникалық жарағы және жабдығымен тәжірибелік  көмек көрсетеді. Ол өз ісіне жауапты, тиянақты маман. Жұмыс барысында  жол-көлік ережелерінің талаптарын, қауіпсіздік техникасы және өндірістік санитарлық ережелерін қатаң сақтайды.

– Адамға өмірінде ең қымбаты – отбасы. Үйде жақындарың мен балаларың күтіп отырса, одан артық не бар. Алдыңнан ұл-қызың жүгіріп шықса, шаршағаныңды бір сәт ұмытасың. Жұбайым, ұл-қызым және жақындарым маған күш-қуат береді, өмірге деген сүйіспеншілігімді арттырады. Мен солар үшін өмір сүремін, –деді өртке қарсы қызмет прапорщигі Қ.Мырзағалиев.

Қымбат

       ДОСЖАНОВА