Үкімет басшысы Қостанайға келді
Бүгін Үкімет басшысы Асқар Мәмин Қостанай облысына жұмыс сапарымен келді. 
Ол іссапары барысында Қостанай үй құрылысы комбинатына барды. Премьер-министр кәсіпорынның өндіріс алаңдарын аралап, арматура, қабырға панелдері, темір-бетон плиталары өндірісімен танысты. Бұл кәсіпорын көп қабатты тұрғын үй, мектеп және өнеркәсіп ғимараттарын салуға қажетті құрылыс материалдарын жасайды. Комбинат жылына 70 мың шаршы метрлік тұрғын үй тұрғызуға жететін темір-бетон бұйымдарын шығарады. Кәсіпорын өнімдері Қостанай облысы мен Нұр-Сұлтан, Алматы, Түркістан, Талдықорған қалаларына жіберіледі. Сондай-ақ Ресейдің Челябі, Екатеринбург, Түмен, Қорған облыстарына экспорттталады. Қуатты өндіріс ошағы 154 адамды тұрақты жұмыспен қамтып отыр. Жұмысшылардың орташа жалақысы 113 мың теңге. 
