Іскер жастар кеңесі

 Арқалық қалалық  әкімдігінің «Іскер жастар кеңесі» қоғамдық бірлестігінің ұйымдастыруымен «Үкіметтік емес ұйымдар жұмыстарын үйлестіру және стратегиялық жоспарлау» атты семинар болып өтті.

Басқосуда облыстық ішкі саясат басқармасының ҮЕҰ мен өзара іс – қимыл жөніндегі  бөлімнің бас маманы Жансая Қожахметова  әлеуметтік тапсырыстарға қатысу жолдарын түсіндірді. Ал, «Іскер жастар кеңесі» ҚБ төрағасы Аманкелді Ахметжанов оңтүстік өңірдегі ауылдық ресурстық орталығының қызметіне  үкімет тарапынан қолдау көрсетіліп, қаржыландырылатынын тілге тиек етті. Семинарға қатысушылар өздерін толғандырған сауалдарын қойып, нақты жауаптарын алды.