Жаңа дәрігерлік амбулатория ел игілігі үшін

Алтынсарин ауданына қарасты Щербаков селосындағы дәрігерлік амбулаторияның салынып, қолданысқа берілгеніне екі-үш айдың жүзі болды. Құрылыс былтырғы жылдың қараша айында басталған еді. Жобаның жалпы құны 119 млн. 923 мың теңгені құрайды. Жиырма бес адамды қабылдауға арналған амбулаторияның қызығын тұрғындар көріп жатыр. Қазіргі күні ғимарат ішіне медициналық құрылғылар орнатылып, дәрігерлер науқастарды қабыл-дауда. Газ құбыры мен өзге де инженерлік желілер тартылуда. Енді қыста жылы болады деген үмітте мұндағылар.

– "100 мектеп, 100 аурухана" бағдарламасы аясында амбулаторя салынды. Бүгінде қажетті мамандардың барлығы бар. Күндізгі стационар жұмыс істейді. Скринингтік бағдарлама бойынша тұрғындарды тексеруден өткіздік. Бұрын жағдай қиын еді. Ескі ғимаратта салқын болатын. Қазір жағдай оңалды. Кадр мәселесі де шешілген. Барлығы жеткілікті. Жас мамандар да келіп жатыр. Көлігіміз ескі болса да іске жарап тұр. Тұрғындар арасында жүрек ауруы көп. Мүмкін бұл күйзеліске түсудің салдарынан болар. Осындай аурудың алдын алу үшін күресудеміз, – дейді аудандық орталықтандырылған аурухана бас дәрігерінің орынбасары. Жәния Аймұхамбет-қызы.