Көрме көрермені болды
Осы демалыс күндері ҚР Ұлттық музейінде "География – мәдени даму бағыты" көрмесі басталды. Қостанай облысының әкімі Архимед Мұхамбетов ҚР Премьер-Министрі Асқар Маминмен бірге аталған іс-шараның ашылуына қатысты. Бұл туралы аймақ басшысы "Инстаграм" желісіндегі парақшасында жазды.
Бұл ауқымды көрмеде қостанайлық қолөнер шеберлері – ағайынды Аңқауовтардың жұмыстары ұсынылған. Олардың еңбектері ерекшелігімен көрермендерінің ықыласына бөленді: ағайынды дарындар патенттелген авторлық тәсілмен жүнді өңдеп, киіз колдану арқылы ұлттық нақыштағы суреттер әзірлейді. 
"Ағайындылар Қостанай облысының тумалары және бірнеше жыл бойы ұлттық қолданбалы өнерді насихаттаумен айналысуда. Аңқауовтар жүнді авторлық технология бойынша өңдейді. Биыл олар "Бизнестің жол картасы" бойынша заманауи құрал-жабдықтарды сатып алуға грант ұтып алды. Шеберлерге барлық бастамаларында шығармашылық табыс пен сәттілік тілеймін!" – деп лебіз білдірген облыс әкімі желідегі жазбасында.
