Ұшқыр ой алаңы

Еуразиялық Топтың 25 жылдығына орай «ССКӨБ» АҚ жергілікті және аймақтық БАҚ тілшілері үшін «BrainBoy» зияткерлік ойынын ұйымдастырды. Жарыс тарих, ғылым, мәдениет және спорт салаларын қамтитын 5 кезеңнен тұрды.

Жеребе арқылы 3 топқа бөлінген командалар ұшқыр ой алаңында жан-жақтылығы мен тапқырлығын көрсетті. Логика мен терең білімге негізделген бейне және музыкалық сұрақтарды да «төртінші билік» өкілдері жаңғақтай шақты.

 

– Сіздерді өтіп кеткен кәсіби мерекелеріңізбен құттықтаймын. Журналист – қоғамдық пікірді қалыптастырушы, қарапайым халықтың мүддесін қорғап, жоғын жоқтайды. Сол себепті де оның еңбегін бағалау біз үшін парыз. Редакциялар арасында ынтымақ пен байланыс артып, достықтарыңыз нығая түссе деймін. Бүгін іс-шараның көздеген мақсаты да осы. Ал «ССКӨБ» АҚ болса, өз тарапынан, сіздерді жағымды жаңалықтармен қуанта бермек, – дейді кәсіпорынның әлеуметтік сұрақтар және қызметкерлер бойынша вице-президенті Ерлан Әлкенов.

Ойын қорытындысы бойынша «Қостанай таңы», «Рудный даусы» және «Рудный цифрлық телеарнасы» өкілдерінен құралған «Мозговой штурм» командасы жеңіске жетіп, қаржылай сыйлыққа ие болды. Сондай-ақ, барлық қатысушылар компанияның брендтік естелік сыйлықтарымен марапатталды.

 

Қуаныш ЕСҚАБЫЛ