Дзюдошылар бәсекесі

Новопавлов ауылында «Ключевое» ЖШС директоры Қозыбай Омаровтың жүлдесі үшін 2005-2007, 2008-2009 жылдары туылған және одан кіші жастағы жасөспірімдер арасында дзюдодан ашық облыстық турнир болып өтті.

Жарысқа Қостанай, Лисаковск, Арқалық қалалары, Әулиекөл ауданы, Таран ауданының Тобыл станциясы мен Октябрь ауылы, ауданымызға қарасты Қарасу, Октябрь және турнир қожайыны Новопавлов ауылының дзюдошылары қатысты. Турнир тартысты өтті. Палуандар жоғары дайындықпен келгендерін дәлелдеп, өз белсенділіктерін танытты. Бұл жарысқа қатысқан біздің ауданның жас палуандарының нәтижесіне тоқталсақ, 2005-2007 жылғы жасөспірімдер арасында 29 келіде Мұхат Мирамғали бірінші орынды, 50 келіде Жамбыл Дүйсен екінші орынды, 50 келіде Никита Горячкин бірінші орынды, 55 келіде Мәлік Тасболатов екінші орынды, 60 келіде Думан Сәндібек бірінші орынды, 60 келіде Бекзат Омаров және Данияр Жармағамбетов үшінші орынды, 60 келіде Игорь Соккер және Магови Жармағанбетов үшінші орынды еншіледі.

2008-2009 жылғы жасөспірімдер арасында 22 келіде Айтуар Қаржұмбаев бірінші орынды, 25 келіде Алихан Омаров бірінші орынды, 27 келіде Ярослав Макашин бірінші орынды, 27 келіде Ерасыл Бердімбай үшінші орынды, 35 келіде Нұрсұлтан Ерболат және Рахат Мирамгали екінші орынды, 42 келіде Владимир Новокрещенов және Нұрасыл Ерланұлы үшінші орынды жеңіп алды.

Айта кетерлігі, турнир «Ключевое» ЖШС директоры Қозыбай Омаровтың демеушілігімен өтті.

 

Жаңабай АХМЕТОВ,

Қарасу ауданы