Жанашырлыққа жан риза

ҚР Ішкі істер министрлігінің Шырақбек Қабылбаев атындағы Қостанай академиясы түлектері 11 мұқтаж отбасыға азық-түлік, киім-кешек түрінде қайырымдылық жасады. Игі іс-шараға Қостанай қалалық «Жайлаубай ата» мешітінің ұжымы және жамағаты бір кісідей атсалысты. Бұл туралы ҚМДБ-ның Қостанай облысы бойынша өкілдігінің баспасөз қызметі хабарлайды.

"Аталмыш іс-шараның мақсаты – көп балалы, көмекке мұқтаж, тұрмысы төмен, сонымен қатар мүгедек балаларды асырап отырған отбасыларға аз да болса материалдық демеу беріп, әр отбасын қуаныш пен шаттыққа бөлеу. Академия түлектерінің ұйымдасуымен, аталған шара аясында 10 отбасыға азық-түлік (картоп, орамжапырақ, пияз, жеміс-жидек, май, шай және т.б.), балаларына киім-кешек түрінде көмек көрсетілді", – делінеді хабарламада.