“Қайрат”-“Тобыл” – 1:5
Алматылық "Қайратты" екінші мәрте тас-талқан еткен қостанайлықтар ҚР Кубогының жартылай финалына жолдама алды. 
Плотниковтың қақпасынан алғашқы болып Бауыржан Тұрысбек саңлау тапты. Араға 12 минут салып Максим Федин есепті еселеді. Ол жекпе-жек қалған голкиперді оңайлықпен алдап өтті. Есеп – 0:2.
Бірінші таймды Михаил Гордейчуктің голы қорытындылады. Ышқына тепкен добы қақпашының саусақ ұшына іліккен еді. Алайда Плотниковтың бұл әрекетінен берекет болған жоқ. 0:3.
Екінші айналымда Исламбек Қуат өз командасына төртінші олжа салды. Ал алаңға алмасумен шыққан Азат Нұрғалиев "тобылдық" жанкүйерлерді тағы бір дүр сілкіндіріп, есепті 0:5-ке жеткізді!
Алматылықтар құр қол қайтқан жоқ. Қосымша уақытта Самат Сәрсенов бір гол салудың сәтін таба алды.
"Тобылдың" келесі қарсыласы бүгін жеребе нәтижесінде анықталады. 1/2 финалдағы қостанайлықтардың қарсыласы «Атырау», «Кайсар», «Ордабасы» командаларының бірі болады.
Суреттер "Тобыл" ФК ресми сайтынан алынды
