Қайырымдылық – сауапты іс
«Mart» сауда орталығында Назарбаев зияткерлік мектебінің жанынан құрылған "Hard Chord" вокалды-инструменталды ансамблінің алғашқы концерті қайырымдылық кеш түрінде өтті. Концерттен түскен қаражат №15 орта мектепке музыкалық аспап алу мақсатында ұйымдастырылған.
-Бұл мектеп оқушыларының жасап жатқан алғашқы қайырымдылық іс-шарасы емес. Кеш мақсаты – оқушыларды игі-шараларға қатыстыру арқылы айналасына көмек қолын созуға бейімделулеріне себепші болу. Оқушылар осыған дейін церебралды сал ауруымен ауыратын балалар тобын емдеуге, балалар үйінің тәрбиеленушілеріне де көмектерін көрсетіп жүр. Сондай-ақ, біздің оқушылар әр концертке үлкен ынта-жігермен дайындалады, – дейді "Hard Chord" вокалды-инструменталды ансамблінің жетекшісі Болат Есмұхамбетұлы.
Әсел ҚИБАШ
